Vieiros

Vieiros de meu Perfil


Edición xeral

RSS de Edición xeral
Porén, o censo está a subir neses concellos

Preto de 15.000 mariñeiros quedarán sen votar nas municipais

O deputado Bieito Lobeira cualificou de "inmoral", "escandaloso" e de "fraude" que os mariñeiros embarcados non poidan exercer o dereito ao voto.

Redacción - 18:35 26/03/2007
Os pescadores embarcados varios meses non poden votar / Flickr: O roxo

Os pescadores embarcados varios meses non poden votar / Flickr: O roxo

O coordinador do grupo parlamentario do BNG e voceiro de Pesca, Bieito Lobeira, denunciou este luns a situación dos mariñeiros embarcados, que coa actual lexislación, non van poden votar nas vindeiras eleccións municipais.

O deputado nacionalista sinalou que se trata dun número de cidadáns que ronda as dez mil ou quince mil persoas, xa que afecta ás frotas de altura, grande altura e da mariña mercante, de todos os océanos. Porén sinalou o grande coñecemento que estes teñen do país, "mellor ca moitos dos residentes ausentes que si teñen dereito a voto", dixo.

Os militares si votarán

"A inxustiza desta anomalía é maior se temos en conta que as tropas de ocupación en Afganistán si van poder votar a través de mesas electorais de campaña", salientou Lobeira.

Criticou ademais as poucas garantías que ofrece o Censo de Residentes Ausentes: "Até a Santa Compaña ten recoñecidos os seus dereitos, mentres que os mariñeiros non". Segundo este, detrás disto "hai un problema de vontade política, porque tecnicamente é posíbel que este colectivo exerza os seus dereitos en períodos electorais".

"Sospeitoso" aumento do censo

O voceiro do BNG no Parlamento amosou a súa desconfianza polo aumento do número de censados precisamente nas comarcas primordialmente mariñeiras, e cualificouno de "sospeitoso". Así, en comarcas como a Costa da Morte, o Barbanza ou o Salnés, sinalou, hai incrementos do 30% ou máis.

O BNG, segundo anunciou Lobeira, vai presentar unha nova iniciativa (xa o fixera en 2001) parlamentaria. Trátase dunha proposición non de lei co obxecto de demandar unha modificación da normativa electoral vixente, para que este colectivo poida exercer o seu dereito a voto nos buques con plenas garantías.


5/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: