Vieiros

Vieiros de meu Perfil


Galego.org

Xestionado por Vieiros
RSS de Galego.org
Estudo da USC

Unha investigación sostén que os cativos bilingües son máis espelidos

As habilidades comunicativas dos rapaces de entre 8 e 30 meses son maiores entre os que usan dúas linguas, segundo o Departamento de Psicoloxía Evolutiva e da Educación.

Redacción - 09:00 29/03/2007

A creación de frases máis longas e complexas é o indicador principal a través do cal os investigadores conclúen que as nenas e nenos bilingües desenvolven máis rapidamente as súas habilidades comunicativas e lingüísticas.

O departamento explica que adaptou, por primeira vez a nivel estatal, as chamadas escalas MacArthur-Bates, deseñadas para medir as habilidades comunicativas dos máis pequenos. A avaliación foi realizada sobre un grupo de 1.100 rapaces galegofalantes de entre 8 e 30 meses.

O estudo atopou que as diferenzas individuais entre nenos son moi altas, e que apenas hai diferencia segundo o sexo. Ademais, a orde de nacemento parece influír no desenvolvemento lingüístico durante o período entre os 16 e 30 meses: os nados en primeiro lugar producen un vocabulario máis extenso, usan frases longas e complexas e empregan a linguaxe de xeito despegado do seu contexto máis inmediato.

Poden ampliar no xornal da USC.


4/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: