Vieiros

Familias que se ven asolagadas polas débedas, cativos que son sacados das aulas e comunidades enteiras que se ven privadas de acceso aos servizos sanitarios. Son exemplos da situación da poboación palestina desde que a vitoria de Hamás nas últimas lexislativas iniciou o boicot económico e pechou a billa das doazóns desde Estados Unidos, Canadá e a Unión Europea.

"A axuda internacional debera ofrecerse de forma imparcial en función da necesidade, non como arma para cambiar as políticas dos gobernos", laiábase esta semana un dos responsábeis internacionais do colectivo. O escenario socioeconómico palestino agravouse significativamente desde o comezo do boicot, con catro de cada cinco familias perdendo en pouco tempo máis da metade dos ingresos cos que contaban até o momento.