Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Cal e Portela foron os mellores no embalse de Castrelo

Pleno dos clubs galegos na terceira regata da liga estatal de piragüismo

O Breogán foi o gran vencedor da xornada, por diante do Kayak Tudense e do Ría de Aldán.

Redacción - 11:21 16/04/2007

O embalse de Castrelo de Miño acolleu esta fin de semana unha nova regata da liga estatal de piragüismo en augas tranquilas. En canoa foi o campión olímpico David Cal o protagonista. O galego superou desde os primeiros metros do trazado os seus adversarios cunha espectacular comodidade. Alfredo Bea e Xosé Luís Bouza foron segundo e terceiro respectivamente.

No K-1 feminino Teresa Portela volveu amosar a súa superioridade aínda que con máis dificultades das agardadas. Sonia Molanes foi segunda mentres que a internacional Kana Smidakova ocupou a terceira posición do podio.

Por parellas, Carlos Pérez e Jaime Acuña acadaron o ouro en K2. Pola súa parte, o dúo Bea Mascato acadou un novo éxito ao conseguir o triunfo na categoría C-2.


Ligazóns

0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: