Vieiros

Red.es, unha entidade do Ministerio de Industria, acaba de publicar un informe sobre os avances do seu programa “Cidades Dixitais”, que en Galiza funciona na Estrada e Lugo. Neste documento indícase que Telefónica é a provedora de máis do 54% das conexións a internet nestes dous municipios.

R, o operador galego de cabo, posúe o 12,4% do mercado na autonomía. Despois está Wanadoo/eresmas (a actual Orange) con case o 10% do pastel. Jazztel queda cun chisco máis atrás, cun 5%.

As razóns de nos conectarse
Estas cifras son moi similares as do total estatal, no que Telefónica ten un 54%, Orange case un 12% e Jazztel ao redor dun 3%.

O informe analiza tamén as causas polas que os cidadáns non se conectan. O 48,2% da mostra en Galiza, formada por cidadáns de Lugo e A Estrada, sinalou que a causa é que “non lle ve utilidade/non lle interesa”. O prezo (11%), a falta de cobertura (10%) e a carencia de computador (9%) son outros das principais barreiras.