Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Protestan pola construción dunha depuradora

Veciños de Coruxo interrompen o pleno con bombas fétidas

Segundo os manifestantes, a corporación incumpriu o seu acordo de impedir a ampliación das instalacións.

Redacción - 16:48 30/04/2007

Veciños da parroquia de Coruxo interromperon este luns o pleno ordinario que tiña lugar no concello de Vigo. Un grupo de medio cento de persoas lanzou bombas fétidas, exhibiu pancartas e berrou contra todos os políticos, co que a sesión se tivo que trasladar á sala da Xunta de Goberno, onde continuou a porta pechada.

Os manifestantes, que levaban máscaras, lembraron o acordo plenario do 27 de xullo do ano pasado, en que todos os grupos decidiron impedir a ampliación da actual depuradora. Os veciños queixáronse de que os membros da corporación non cumprisen ese acordo e se comprometesen a construír unha macrodepuradora en Coruxo, a pesar das molestias que sofren dende hai anos os veciños da zona.

O voceiro dos manifestantes, Telmo Varela, explicou que haberá máis actos reivindicativos e mandoulles unha advertencia aos partidos que se acheguen a Coruxo a manter actos electorais. Tamén afirmou que as administracións local e autonómica aínda non se reuniron con eles para negociar o realoxamento dos afectados.


1,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: