Vieiros

Vieiros de meu Perfil


Edición xeral

RSS de Edición xeral
Pola súa suposta vinculación con Batasuna

O goberno español e a Fiscalía impugnan as candidaturas de Abertzale Sozialistak

Tamén solicitarán a anulación doutras once listas independentes e decidirán o xoves se fan o mesmo con ANV.

Redacción - 18:29 02/05/2007

A Avogacía e a Fiscalía Xerais do Estado anunciaron que impugnarán as 232 candidaturas que presentou Abertzale Sozialistak (AS) ás tres xuntas xerais vascas e ao parlamento de Navarra. Así o anunciaron tanto o Ministerio de Xustiza como o fiscal xeral, Cándido Conde-Pumpido.

Os dous organismos solicitarán o xoves a impugnación perante a Sala Especial do Tribunal Supremo, pola sospeita de que sexan unha estratexia “do complexo Batasuna”, o que supoñería o quebrantamento das sentenzas dos tribunais Supremo e Constitucional e da Lei de Partidos. Tamén atoparon evidencias de que a formación ilegalizada participou na preparación, dinamización e dirección das agrupacións de electores.

O fiscal tamén pedirá a anulación doutras seis candidaturas independentes que se presentaron aos comicios municipais, catro en Guipúscoa e dúas en Navarra, mentres que a Avogacía do Estado fará o propio con cinco listas máis en Navarra e outras dúas en Guipúscoa.

Conde-Pumpido anunciou que tamén o xoves se decidirá o futuro das 256 candidaturas que presentou a Asociación Nacionalista Vasca (ANV). A sala especial do Tribunal Supremo reunirase para decidir se acepta as impugnacións da Avogacía e da Fiscalía. Terá de prazo até o sábado ás doce da noite.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: