Vieiros

Vieiros de meu Perfil


Edición xeral

RSS de Edición xeral
Conflito do naval-metal

A patronal non acode á mesa de diálogo e os traballadores ocupan a Delegación da Xunta

ASIME escusou a súa ausencia da xuntanza da mañá alegando que os cortes no tráfico impediron aos seus representantes acceder ao centro de Vigo.

Redacción - 12:00 15/05/2007
Os manifestantes cortaron os accesos a Citroën, este luns

Os manifestantes cortaron os accesos a Citroën, este luns

Os traballadores do naval de Vigo, en folga dende o 3 de maio, ocuparon na mañá desta terza feira a Delegación da Xunta na cidade, logo de que a patronal escusase a súa presencia na xuntanza prevista para a mañá.

A razón esgrimida polos membros da Asociación de Industriais Metalúrxicos, ASIME, foi a imposibilidade de chegar ao lugar da reunión debido aos cortes no tráfico provocados polos folguistas.

A autoestrada AP-9, dende a última saída da cidade, rexistrou retencións de até seis quilómetros, segundo informaron fontes da Garda Civil de Tráfico de Pontevedra.

Os traballadores en folga cortaron todos os accesos á Vigo procedentes da autoestrada, así como as entradas a Isaac Peral e á Avenida de Bos Aires. Ademais, tamén se rexistraron retencións na zona de Teis e de Beiramar.


4.83/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: