Vieiros

Vieiros de meu Perfil


Fwwwrando

RSS de Fwwwrando
NAS AUTONOMÍAS MÁIS POBRES PIRATÉASE MÁIS

Galiza á cabeza do pirateo de Microsoft

Inspectores de incógnito descobren que o 55% das tendas de informática galegas instala copias non oficiais

M.V. - 11:53 16/05/2007

Máis da metade dos puntos de venda de programas de Microsoft en Galiza instalan copias piratas. Así o revela un estudo da propia multinacional do software.

A visita dun suposto cliente

A investigación “comprador anónimo” de Microsoft consiste nun inspector que, simulando ser un cliente, vai a unha tenda de informática para que lle instalen algún programa desta compañía, por exemplo o Windows Vista. Pois ben, no 55% dos establecementos visitados en Galiza descubriuse que se vendían copias piratas, nalgúns casos sen coñecemento do cliente.

Isto sitúa a Galiza dez puntos por riba da media estatal deste índice de piratería, que é do 45%. É máis, esta porcentaxe aumentou un 10% no último ano no país, o que pon a Galiza como segunda autonomía na que máis creceu a piratería en 2006.

Os ricos piratean menos
Nas autonomías menos desenvolvidas -como Castela A Mancha ou Asturias- éde onde se instalan máis programas piratas; mentres que as máis ricas -Cataluña e Euskadi- están no extremo contrario.

Microsoft defende que, no caso de descubrir irregularidades, ofrece aos instaladores a opción de realizar un curso de formación para que deixe de infrinxir a lei. Iso si, tamén advirte que ten abertos máis de 80 preitos en todo o estado por este motivo.

A compañía non aclarou se os seus inspectores solicitan ás tendas copias piratas ou simplemente que lle instalen programas. Este é o cuarto ano que lanza esta campaña.


4.75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: