Vieiros

Vieiros de meu Perfil


Fwwwrando

RSS de Fwwwrando
SABER A QUE HORA VAI CHOVER

A supercomputación dirixe os seus esforzos cara á meteoroloxía e a medicina

A investigación científica a través da supercomputación podería lograr a medio prazo unha "meteoroloxía exacta" ou fármacos precisos para tratar enfermidades como a alopecia ou a diabete

Redacción - 12:29 16/05/2007

Polo menos así o sostén Isidro Cano, director de supercomputación de HP España, que o luns participou na inauguración en Santiago de Compostela do encontro Ibergrid.

"É moi complicado que o cidadán de a pé entenda as aplicacións destas investigacións", dixo Cano, "pero en menos de dez anos xa teremos medicamentos definitivos para a calvicie e a diabete, e hai mesmo quen non descarta pastillas para os traumatismos".

Nestes momentos, a supercomputación centra os seus esforzos nos campos da xenética e a súa aplicación farmacológica, e no medio ambiente. "Poderíamos chegar a saber exactamente a que hora comezará a chover, ou como evolucionará un incendio ou unha marea negra", afirmou Cano.

O director de supercomputación de HP España adiantou que o próximo inverno comezará a funcionar en Galicia un superordenador co que os investigadores da Universidade de Santiago de Compostela (USC) pretenden recrear virtualmente o comportamento das rías.


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: