Vieiros

Para o sábado está programada a celebración do Campionato Galego de 10.000 Metros, na cidade de Vigo, no que van tomar parte os mellores especialistas na distancia a nivel Galego. O día a seguir, o domingo 20, nas pistas lucenses de Gregorio Pérez Rivera celebrarase o Campionato Galego Xuvenil e Cadete, segundo informa a FGA (Federación Galega de Atletismo).

Esta longa fin de semana, chea de campionatos, xa comezou o Día das Letras, co Campionato Galego de Clubs Junior, que se celebrou nas Pistas ferrolás da Malata a quinta, e nel tomaron parte as equipas femininas e masculinas do A.S. Narón, A. Vila de Cangas e Ourense Academia Postal, ademais do RIA Ferrol e o A.F. Celta, que só competiron na categoría feminina.

O mais salientábel desta proba foi o dominio do Ourense Atletismo Academia Postal, tanto na categoría masculina como na feminina, xa que en ámbalas dúas ficoou no primeiro posto -na categioría masculina con 49 puntos e na feminina con 53-. Entre os homes, ficou en segunda posición o Atletismo Vila de cangas, con 32 puntos; e o Atletismo Sierra Narón obtivo a terceira praza, con 29 puntos.

Na carreira das mulleres, por detrás da equipa de Ourense quedou o RIA de Ferrol/CCA, con 38 puntos.