Vieiros

Vieiros de meu Perfil


Municipais07

Xestionado por Vieiros
RSS de Municipais07
Municipais07

O alcalde de Mondariz corta plátanos porque "non son autóctonos"

O rexedor xustificou dese xeito a tala de árbores no contorno da Ponte de Cernadela que denunciou o BNG.

Redacción - 14:23 22/05/2007
A Ponte de Cernadela, agora e antes (no recadro)

A Ponte de Cernadela, agora e antes (no recadro)

A tala de varios plátanos no contorno da praia fluvial da Ponte de Cernadela, en Mondariz, provocou as protestas do BNG do concello. O alcalde, Julio Alén, recoñeceu no último pleno ordinario que se cortara media ducia de árbores na zona “para mellorar as vistas da ponte e beneficiar as persoas que teñen alerxia”.

Os edís nacionalistas tacharon o alcalde de “bruto e ignorante”, pois consideraron que só un dos exemplares talados prexudicaba realmente a ponte medieval de Cernadela. Alén replicou que os plátanos tamén lle afectaban á calzada medieval empedrada, punto que os concelleiros do BNG negaron. Para rematar o asunto, Alén afirmou que seguirá cortando esas árbores “porque non son especies autóctonas”.


4,5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: