Vieiros

Algo máis de 2 mil votos perdeu o PPdeG en Ourense, o que porcentualmente significa catro puntos menos ca en 2003 e a perda para Enrique Nóvoa da maioría absoluta herdada do ex alcalde Manuel Cabezas.

Atrás dos populares, a aposta polo cambio que os cidadáns decidiron nas urnas foi feita rendíbel especialmente polo PSdeG, que releva ao Bloque na segunda posición, subindo en 4 mil votos e pasando de 8 a 6 concelleiros. Con eses números, o candidato Francisco Rodríguez, que chegara ás portas dos comicios de 2003 para substituír a espantada do cabeza de lista que a dirección do partido escollera para a cidade, poderá agora ser alcalde a través dun pacto cos nacionalistas.

Xa que logo, o BNG perde tres milleiros de votos, o que significa un asento menos no Concello, de 7 a 6, para a lista que liderou Alexandre Sánchez Vidal.