Vieiros

Vieiros de meu Perfil


Edición xeral

RSS de Edición xeral
CRITICA AO PP POR NON APOIALA

Romeu di que a Policía Galega abre unha “terceira vía” a nivel estatal

O conselleiro afirma que a norma “completa e esgota” o actual Estatuto de Autonomía.

Redacción - 19:02 29/05/2007
Romeu criticou ao PPdeG por non apoiar a Lei de Policía

Romeu criticou ao PPdeG por non apoiar a Lei de Policía

O conselleiro de Presidencia, Xosé Luis Méndez Romeu, está convencido de que a Policía Galega vai abrir "unha verdadeira terceira vía" nos modelos policiais que coexisten a nivel estatal. Porén, o socialista tivo bo tino en afirmar que será “absolutamente respectuosa” coa Constitución española.

Logo de que o Parlamento aprobase a Lei de Policía de Galicia, Romeu asegurou que a norma acaba de "completar e esgotar o vixente Estatuto de Autonomía". O conselleiro manifestou que se trata dunha lei que "contribúe decisivamente ao deseño dunha política propia de seguridade até o de agora inexistente".

Romeu aproveitou a ocasión para criticar aos populares que optaron por non dar o seu apoio á nova norma: "Probabelmente pola mesma razón que ten impedido que se abra un paso a un novo Estatuto".


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: