Vieiros

Os palistas galegos presentes e futuros xa teñen un novo lugar no que adestrar, ademais do Centro Galego de Tecnificación Deportiva (CGTD) de Pontevedra co que xa contaban.

As instalacións de piragüismo de Pontillón de Castro, na vila pontevedresa de Verducido, que están a piques de ser rematadas,e, cun custo aproximado de 10 millóns de euros, van ser inagauguradas a finais de xuño coa celebración do Campionato de Europa de Augas Tranquilas, que reunirá os mellores piragüistas europeos.

Posteriormente, este centro pasará a depender do CGTD, xa que Deporte o considera un complemento perfecto para esta instalación, na que nestes momentos xa están adestrando, ademais de deportistas doutras modalidades, palistas.

A Secretaría Xeral, que dirixe Marta Souto, quere poñer ao dispor dos e das piragüistas galegos e galegas as mellores instalacións posibles e por iso apostou de forma decidida por esta instalación xa que considera que o piragüismo galego debe contar cos instrumentos necesarios para que os palistas podan dar o seu máximo rendemento, os de agora e tamén os palistas que están por vir.