Vieiros

Vieiros de meu Perfil


Fwwwrando

RSS de Fwwwrando
A MOSTRA NON TEN DATA DE CADUCIDADE

Queres gardar o teu ADN na casa?

Poderemos conservalo purificado e liofilizado, nun tubo de cristal duns dez centímetros, sen necesidade de facer fronte aos custos da almacenaxe nun banco privado

Redacción - 13:29 31/05/2007

O novo servizo nace grazas ao acordo de colaboración entre o laboratorio valenciano Sistemas Genómicos e a Clínica Quirón desta cidade, que será pioneira na posta en marcha deste sistema, que terá un custo de 200 euros.

Tanto os responsables da clínica como do laboratorio destacaron que o ADN contén "gran cantidade de valiosa información médica" e que é importante ter cada día "maiores datos do noso sistema hereditario".

En canto ás súas supostas vantaxes, os investigadores referíronse concretamente
á utilidade do ADN nos estudos das enfermidades hereditarias; en probas de paternidade; en identificación de profesionais de alto risco, así como en vítimas de grandes catástrofes; en identificación de persoas extraviadas e, mesmo, en reclamacións ilexítimas do patrimonio.

As persoas que queiran obter o seu ADN para gardalo logo na súa casa, deberán someterse a unha extracción de sangue. Esa proba realizarase no hospital e entón, xa nos laboratorios, a mostra será sometida "de maneira bastante exhaustiva a liberala de calquera contaminación e desecala".

O tubo estaría selado e identificado cunhas claves para evitar a súa posible utilización fraudulenta.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: