Vieiros

Vieiros de meu Perfil


Municipais07

Xestionado por Vieiros
RSS de Municipais07
MUNICIPAIS07

No Concello de Gondomar queiman papeis a poucos días do cambio de goberno

A documentación procedía do departamento de Urbanismo e da Casa da Cultura.

Redacción - 12:21 01/06/2007
Mapa das parroquias de Gondomar

Mapa das parroquias de Gondomar

A política do goberno en funcións de Gondomar semella de terra queimada. O líder do BNG local e posíbel alcalde, Antonio Araúxo, denunciou publicamente esta cuarta feira que operarios do consistorio andiveron queimando centos de papeis.

Araúxo explicóulle a Vieiros que el mesmo foi testemuña dos feitos: “Vin como sacaban camionetas con papeis da Casa da Cultura e das dependencias de Urbanismo”. Posteriormente, os mesmos operarios procederon a queimar a documentación.

O concelleiro do BNG presentou de inmediato un escrito para solicitarlle unha explicación ao alcalde provisional, Carlos Silva (PPdeG). Segundo a versión deste último, non se queimou ningún documento de importancia e trataríase só dunha “limpeza” de publicacións.

O feito vólvese máis sospeitoso debido a que os populares perderon o pasado domingo a maioría e todo apunta a que o BNG, que ten sete concelleiros, poderá gobernar o consistorio co apoio do catro do PSdeG. Por riba, toda a documentación procedía das sedes de Alexandre Gómez e Xosé Luís Mosquera, dous concelleiros que foron detidos hai pouco por unha suposta trama urbanística.


4.63/5 (8 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: