Vieiros

Vieiros de meu Perfil


Euskadi

Edición xestionada por Vieiros
RSS de Euskadi
Declaración do goberno vasco

"A ETA está máis soa que nunca"

A voceira do goberno vasco, Miren Azkarate, fixo pública pasadas as 12.00 horas desta terza a posición do executivo respecto ao comunicado da ETA, que cualificou de "brincadeira macabra".

Redacción - 12:25 05/06/2007

A declaración lida por Azkarate cualifica o comunicado da ETA de "brincadeira macabra"; "non pode ser doutro xeito, logo de que en decembro pasado, hai pouco máis de cinco meses, colocase un artefacto explosivo na terminal T4 de Madrid, causándolle a morte a Carlos Alonso Palate e Diego Armando Estacio".

"En nome de quen actúa a ETA? En nome do pobo vasco, non", sinalou Azkarate. "O pobo vasco ten unhas raíces, unha cultura e unha historia; sufriu guerras e ditaduras como a de Franco", engadiu.

Dereito a decidir dos vascos

"En nome do dereito a decidir dos vascos, tampouco", continuou a voceira gobernamental. "Nós defendemos este dereito, mais democraticamente nas institucións e na sociedade", dixo.

Ademais, o executivo vasco considera este comunicado unha resposta á esquerda abertzale, que lle pediu á ETA "unha tregua indefinida e sen condicións" tras o atentado de Barajas. "Non lle importa nin o que pensa a sociedade vasca nin a esquerda abertzale que fica desairada politicamente", indicou Azkarate.

Finalmente, neste senso, sinalou que "A ETA está máis soa que nunca", e que "o único camiño que lles queda é o abandono total das armas".


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: