Vieiros

Vieiros de meu Perfil


Edición xeral

RSS de Edición xeral
Conflito legal

A Universidade Autónoma do Atlántico, obrigada a cambiar de nome

A lexislación impídelle chamarse 'Universidade', polo que a súa constitución está paralizada temporalmente.

M. del Río - 17:08 05/06/2007

O proceso de constitución da Universidade Autónoma do Atlántico (Uniat) está paralizado por unha incompatibilidade coa lexislación. A Subdirección Xeral de Universidades advertiu os promotores da iniciativa do conflito que provoca a súa denominación, pois a Lei de Universidades non lle permite o uso de termos como universidade, reitor e vicerreitores.

Os responsábeis da Uniat esperan poder definir esta mesma semana unha alternativa que sexa harmoniosa co actual marco lexislativo. Mentres, queda conxelado temporalmente o proceso de constitución. O proxecto seguirá a ser unha plataforma de ensino articulada baixo a fórmula de federación de entidades privadas sen ánimo de lucro, aínda que a súa denominación xa non será Universidade, senón que podería ser Escola ou Instituto.

No entanto, mantense o acto de presentación definitiva da organización para o 16 de xuño en Taragoña (Rianxo), e os cursos de verán das universidades de Santiago e Menéndez Pelayo, aínda que a plataforma xa non terá presenza formal neles.

O representante do consello reitor da institución, Joám Evans, desculpouse pola posíbel confusión que se puidese xerar no marco do sistema de ensino superior galego, e quixo deixar claro que a iniciativa “en ningún momento se pretendeu camuflar como unha universidade convencional”.


4.8/5 (5 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: