Vieiros

Vieiros de meu Perfil


Máis Alá

Xestionado por Vieiros
RSS de Máis Alá
III Concurso de Mensaxes

O Porriño premia as tres mellores mensaxes de móbil

O gañador do primeiro premio foi Jorge Gómez Crespo, de Ourense, cunha mensaxe que convida unha rapaza a tomar unhas cervexas.

Redacción - 18:42 08/06/2007

O Concello do Porriño fixo públicos os nomes dos gañadores do seu terceiro concurso de mensaxes de móbil. Jorge Gómez Crespo, de Ourense, levou o primeiro premio, de 250 euros. O segundo, de 150, foi para Ana Díaz Pérez, de Becerreá, e o terceiro, de 100 euros, recaeu en Juan Blanco Quintela, da Coruña.

O concurso convocouno a área de normalización lingüística do concello en colaboración coa biblioteca municipal. Recibíronse 75 mensaxes, que valorou un xurado formado polo escritor Diego Ameixeiras, a profesora Dorinda Castro, o xornalista Xoán Fernández e mais Maite Mosquera, gañadora da anterior edición.

As mensaxes gañadoras foron, co primeiro premio, “Rapcña d beizs scrus e sorris cib,cm llands?qdams xa tmarll unhs kñs a krn do mao ou ns biras d sil?s ch prac,di ora e encoro.adeus”. A segunda, “ Chovia.Como nin ia xover?Aqui smpr xove!Como m gusta a xoiva.E tan nosa...O 50%da sangue galega deb ser xoiva.Aquel dia tamn xovia.Soubn q tod rematara pq scampou”. E a terceira foi “ Suicideime antonte, escriboche so pra dicir q o ceo e uha merda”.

O xurado valorou a orixinalidade e a calidade da expresión das mensaxes premiadas, e salientou o feito de que se recibiron candidaturas con enfoques moi diferentes. Todos os SMS recibidos pódense ler na web da Biblioteca Municipal do Porriño.


3/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: