Vieiros

Vieiros de meu Perfil


Edición xeral

RSS de Edición xeral
Presentouse o borrador

A nova Lei de Turismo potenciará o crecemento sustentábel

O documento pretende achegar o sector ao marco lexislativo internacional e promover unha oferta de calidade potenciando a identidade do país.

Redacción - 18:23 12/06/2007

Os representantes do sector turístico coñeceron este martes o borrador da nova Lei de Turismo de Galiza. O conselleiro de Innovación e Industria, Fernando Blanco, e o director xeral de Turismo, Rubén Lois, foron os encargados de presentar en público o documento, acompañados do xerente de Turgalicia, Xesús Pereira.

A nova lei considera o turismo como un sector estratéxico para a economía do país, polo que pretende homologalo ao contexto internacional. Así, os seus obxectivos son, asemade, xerar emprego e acadar un desenvolvemento sustentábel. Ademais, terá en conta a protección dos usuarios e dos recursos turísticos.

Todos estes cambios fixeron preciso redactar un novo marco lexislativo para o sector. O documento parte da idea de que o turismo de calidade é o único que permite conseguir ganancias estábeis de competitividade no sector, mediante unha mellora da produtividade e non reducindo os prezos.

Tamén fai fincapé na profesionalización e autorregulación do sector, pero respectando e garantindo os valores propios da identidade galega, destacando os elementos diferenciadores e convertendo Galiza en marca de calidade.

Entre os aspectos novidosos tamén destaca a creación dunha rede galega de oficinas de turismo e unha mención ás comunidades galegas no exterior para acadar acordos en materia turística. Os axentes do sector poderán facer alegacións ao borrador para que continúe a súa tramitación até a aprobación no Consello da Xunta.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: