Vieiros

Esta orde estabelece as bases da convocatoria de subvencións para a realización de programas de cooperación e voluntariado sociais con cargo á asignación tributaria do IRPF. O goberno considera que o Estado debe retirala, ao seren os asuntos sociais competencia da Comunidade Autónoma.

Como fixa o Estatuto de 1981 (punto 23 do artigo 27, capítulo I do Título II), correspóndelle á Xunta asumir o relacionado coa asistencia social, e polo tanto, regular as subvencións destinadas ao desenvolvemento de programas de acción social. A Administración galega non comparte que o Goberno central lles atribúa en exclusiva ás instancias estatais a regulación de detalle da asignación a fins sociais dunha porcentaxe do IRPF, nin o estabelecemento dun réxime uniforme na regulación do procedemento para obter as subvencións.

A orde non só regula as condicións e procedemento de concesión das subvencións, senón que tamén lle atribúe ao Ministerio de Traballo e Asuntos Sociais a totalidade das funcións de execución administrativa: a xestión, concesión e pagamento das axudas. De conformidade co establecido no artigo 63 da Lei orgánica 2/1979, do 3 de outubro, do Tribunal Constitucional, a Xunta formula un requirimento de incompetencia e resérvase o dereito de acudir ao Alto Tribunal de non ser a resposta positiva.