Vieiros

A nivel estatal a economía experimentará unha evolución positiva do 3,7% cara á fin de 2007, índice que en Galiza quedaría nun 3,6%, segundo o prognóstico realizado polo Informe Hispalink, elaborado por diversos departamentos universitarios de todo o Estado e no que colaboran en Galiza departamentos das universidades da Coruña e Santiago.

Para 2008, o mesmo índice fala dun crecemento en Galiza do 2,5%, mentres a nivel estatal a economía medraría un 3%. No que vai de ano, as mellores perspectivas económicas están fixadas para Aragón, Madrid e Murcia, todas dun 4%. A que menor crecemento conseguiría é Asturias, cun 3,1%.