Vieiros

O congreso do Partido Laborista esta fin de semana en Manchester serviu para oficializar o relevo no poder, coa despedida para Tony Blair, quen asumira o cargo en 1994, ao tempo que Gordon Brown colle o temón do partido. O próximo chanzo para Brown, este mesmo mércores, será a dimisión de Blair como primeiro ministro e o seu propio acceso ao cargo.

O cambio na cúpula da formación chega con bos prognósticos para eles nas enquisas. Xa que logo, por vez primeira nos últimos meses, un estudo publicado esta fin de semana en The Observer aseguraba que o Partido Laborista está outra vez á cabeza das preferencias dos electores británicos.

Na súa toma de posesión do cargo, Brown citou como prioridades para a estratexia dos laboristas a sanidade, a vivenda e o ensino. Tamén prometeu que traballará para que o Parlamento gañe protagonismo na vida política británica.

Recomendámoslles ampliar en The Guardian e The Times.