Vieiros

Uns castrexos alporizados pola chegada dos romanos, unha castrexa namorada dun Brutus que fala latín catalán (viñera da Tarraconense?), Cleopatra e o seu escravo narrador de contos, Rómulo e Remo a se discutir sobre a súa historia, un célebre gladiador nunha fanada cita a cegas...

Parte destas escenas pódense ver neste vídeo do YouTube, realizado a partir da gravación da actuación de Furafollas Agrupación Teatral na Galería Sargadelos de Barcelona o novembro do ano pasado, baixo o título Una de Romanas. O espectáculo forma parte do Ciclo Mulleres no Tempo do grupo teatral, que esta tempada cadraba coa temática transversal encol do Ano de Muller e da Memoria das entidades de Rede.cat, da que son membros Furafollas e Sargadelos.