Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
SÁBADO, 30 DE XUÑO

Lamatumbá actuará no "Senglar Rock" de Lleida

O grupo galego recunca de novo nas terras catalás, onde estivera xusto antes dunha pequena parada.

Xabier Paradelo - 08:00 28/06/2007

A anovada tripulación de Lamatumbá volve coa mesma nave a Catalunya, desta vez ao festival que ten a marca rural do xabarín catalán no seu nome -o porc senglar. O grupo estivera o mes de febreiro no Entroido da vila catalá de Solsona, xusto antes dunha pequena parada técnica, e actuará de novo nestas terras, que visita con frecuencia, o mes de agosto: o martes 14 en Moia e o sábado 18 en Castellbisbal.

O Senglar Rock chega este ano a súa décima edición, e logo de estar ubicada en Prades e en Montblanc, este é o terceiro ano que se celebra en Lleida. Dentro do amplísimo elenco de grupos que pasaran polo Festival entre o 28 e o 30 de xuño, están os xa clásicos metálicos brasileiros de Sepultura e os espectaculares e indescritíbeis portugueses Blasted Mechanism.

Senglar Rock 2007

Concerto de Lamatumbá
Sábado 30 de xuño, 2:30 h
Escenario Montblanc


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: