Vieiros

Vieiros de meu Perfil


Lusofonía

Xestionado por Vieiros
RSS de Lusofonía
Estratexia para os próximos seis meses

A quenda portuguesa na UE pon a mirada na lusofonía

O primeiro cumio conxunto da Unión Europea e Brasil ten lugar esta semana en Lisboa, logo de que Portugal relevase a Alemaña ao temón da UE.

Redacción - 09:00 02/07/2007

Será a primeira vez que se celebre unha reunión deste tipo. Con este evento a UE pasa a converter a Brasil como interlocutor prioritario no escenario internacional, á beira doutras grandes potencias.

A xuntanza ten obxectivos comerciais moi concretos, xa que na cima da axenda está o deseño dunha relación estratéxica entre a Unión Europea e Brasil. "Isto vainos permitir seguir no desenvolvemento da cooperación en sectores clave coma o enerxético, o transporte marítimo e o desenvolvemento rexional", explicou recentemente a comisaria europea de Exteriores, Benita Ferrero Waldner. A UE é Brasil tamén coordinarán posicións cara a asuntos clave no contexto internacional, como é o caso da reforma da ONU.

Por outro lado, o primeiro ministro portugués, José Socrates, destacou a relación con Brasil como unha das metas a reforzar pola UE durante os próximos seis meses. Na web oficial da presidencia portuguesa de quenda na UE, poden ver en detalle as prioridades para o próximo semestre.


4/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: