Vieiros

Vieiros de meu Perfil


Edición xeral

RSS de Edición xeral
No día Internacional do Cooperativismo

Medio milleiro de persoas celebran o 'Día do Cooperativismo Galego 2007'

Conta coa presenza do presidente da Fundación Catelao, Avelino Pousa Antelo, e do conselleiro de Traballo, Ricardo Varela.

Redacción - 11:45 07/07/2007

O Consello Galego de Cooperativas celebra este sábado en Ourense a festa do cooperativismo galego, coincidindo co Día Internacional do Cooperativismo.

No evento daranse a coñecer os resultados do concurso do Certame de curtametraxes Cooperación XXI que o consello Galego de Cooperativas creou este ano. Tamén se fará entrega dos premios á cooperación de 'Proxectos cooperativos experimentais' e do 'Cooperativismo no ensino'.

Á xornada foron convidadas todas as cooperativas de ámbito nacional, que se dan cita no centro educativo Luis Vives de Ourense, onde se celebran os actos.

Ricardo Varela e Pousa Antelo

O conselleiro de Traballo e presidente do Consello de Cooperativas, Ricardo Varela, é o encargado de inaugurar o encontro que se organiza baixo o lema Cooperativas: empresas socialmente responsábeis. Pola súa banda, o presidente da Fundación Castelao, Avelino Pousa Antelo, pronunciará unha conferencia na que falará do movemento cooperativista en Galiza.

Tras o xantar, haberá xogos cooperativos para pequenos e maiores. Ademais, os asistentes poderán facer unha visita guiada ao centro Luis Vives, así como ver unha exposición dos traballos cooperativos e presenciar a proxección das curtametraxes do concurso Cooperación XXI.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: