Vieiros

Vieiros de meu Perfil


Edición xeral

RSS de Edición xeral
Non se contabilizaron facturas

Apóñenlle ao anterior goberno do PPdeG en Nigrán un burato de 384 mil euros

"Dalgunha forma os veciños terán que acabar pagando", láiase o novo alcalde de Nigrán, o socialista Efrén Juanes, recordando ademais a débeda de 7 millóns que deixan os populares.

Redacción / EP - 09:00 12/07/2007

Ao longo do ano 2006 facturas de centos de provedores do Concello de Nigrán "non existen a nivel contábel", explicaban este mércores desde o equipo de goberno da localidade pontevedresa. O rexedor cita o acontecido como un exemplo máis do "caos económico" herdado do goberno liderado até o de agora polo PPdeG. "Levará tempo corrixilo", afirma Efrén Juanes, asegurando que a "xestión sensata" planificada polo novo goberno evitará que os veciños se resintan " da pésima xestión económica do PP".

Entre as facturas non contabilizadas aparecen por exemplo en novembro e decembro as do tratamento de residuos urbanos, da empresa Sogama, por valor de 67.750 euros, así como outras de pequenos provedores ou de comunicación e publicidade das distintas concellarías, por valor total de 21.400 euros. Juanes subliña que a débeda do Concello cos bancos aumentou en 4,9 millóns de euros na última lexislatura, aparecendo agora unha débeda total de máis de 7 millóns. A débeda acumulouse ademais no período en que de xeito paralelo se produciu "o maior aumento dos impostos e taxas dos gobernos democráticos do municipio".


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: