Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
traíñas

Samertolameu vence aos da SD Tirán na última quenda

Os de Meira, que agora van a cinco puntos dos de Moaña, lograron terminar coas seis vitorias seguidas do Tirán. A sétima e a oitava bandeira foron para eles.

Redacción - 11:42 23/07/2007

Xa o sábado tiñan gañado a bandeira en Poio, mais o domingo, nunha das probas máis importantes do circuíto galego, a 'XXVI Bandera Corte Inglés', na ría de Vigo, os de Meira impuxéronse aos seus veciños de ría, os da SD Tirán, terminando coa súa racha de vitorias.

Os do Tirán, con seis vitorias seguidas, en seis probas disputadas, saían tentando manter o seu liderado, na última quenda, na que ían todos os favoritos. O tempo dos de Chapela en cada virada era o primeiro. Samertolaméu recortou os cinco segundos que lle levaban os de Redondela e nos últimos catrocentos metros sumou un segundo máis, conseguindo a vitoria final na proba. Detrás chegaban o Náutico, que ficopu terceiro, os de Perillo, que quedaron quintos, e o líder, o Tirán, que quedou finalmente sexto.

A próxima proba, a vindeira fin de semana en Castropol, competindo pola Bandera Príncipe de Asturias.

As cousas van como seguen na Liga Galega de Traíñas
1- S.D. Tirán, 90 puntos.
2- S.D. Samertolameu, 85 puntos.
3- R.C. Náutico de Vigo, 75 puntos.
4- C.Regatas Perillo, 74 puntos.
5- C.R. Chapela, 68 puntos.
6- Amegrove C.R., 56 puntos.
7- C.R. Coruxo, 49 puntos.
8- A. D. Esteirana, 46 puntos.
9- C.R. A Cabana, 36 puntos.
10- C.R. Puebla, 32 puntos.
11- Credimotor C.R. Ares, 30 puntos.
12- S.D. As Xubias, 11 puntos.
13- C.Mar de Castropol, 7 puntos.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: