Vieiros

Vieiros de meu Perfil


Edición xeral

RSS de Edición xeral
Día de Galiza

O PSdeG celebra en Rianxo o ecuador da lexislatura "máis fértil"

O secretario xeral do PSdeG, Emilio Pérez Touriño, fará unha ofrenda floral diante do busto de Castelao.

Redacción - 09:00 25/07/2007

De igual xeito que o fixeron nos últimos anos, os socialistas escolleron Rianxo como escenario para a celebración oficial do PSdeG deste Día de Galiza. Con todo, desta volta si estará Emilio Pérez Touriño no acto, por primeira vez desde que asumiu a presidencia da Xunta, xa que en 2006 cedéralle o protagonismo ao secretario de Organización do partido, Ricardo Varela.

Xa que logo, a dirección do partido viaxa a Rianxo, onde ás 13h15 e no Paseo da Ribeira, o secretario xeral do PSdeG, Emilio Pérez Touriño, e o alcalde de Rianxo, o socialista Pedro Piñeiro, farán unha ofrenda floral diante do busto de Castelao.

Os socialistas chegan a este acto despois da reunión esta mesma semana da executiva do PSdeG para facer balance de lexislatura, onde Pérez Touriño quixo destacar a "moi positiva" avaliación que a formación fai deste treito. Touriño destacou ademais o "compromiso coa transparencia" que na súa opinión lle trasladaron os socialistas ao executivo e á escena parlamentaria. "É a lexislatura máis fértil e fecunda da historia da autonomía", asegurou Ricardo Varela.


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: