Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Queixas do Concello de Pontevedra

Esíxenlle a Medio Ambiente que non favoreza a autorización de Elnosa

O concelleiro de Urbanismo, César Mosquera, advirte contra a presunta intención da Xunta de permitir que siga funcionando a planta.

Redacción - 10:00 25/07/2007

A advertencia realizáraa tamén hai tempo o propio alcalde de Pontevedra. Miguel Anxo Fernández Lores avisou hai meses de que existiría a presunta aquiescencia tanto por parte da Consellaría coma do Ministerio de Medio Ambiente, para que o complexo de Lourizán poida seguir activo cando menos até 2011. Lores pedíalle daquela á administración galega que axudase a forzar a clausura da actividade da fábrica de Elnosa o próximo 30 de outubro.

Agora, e despois de que o xulgado revogase o informe negativo do Concello sobre a planta, por supostos defectos de forma, o concelleiro de Urbanismo pontevedrés teme que Medio Ambiente aproveite para reabrir o expediente que a empresa necesita para seguir coa súa actividade.

Por outra parte, o Concello de Pontevedra confirmou que se vai recorrer a sentenza que anulou o informe do goberno local sobre Elnosa. "Agora hai máis datos da situación de Elnosa e dos seus plans urbanísticos", explicou Miguel Anxo Fernández Lores. O rexedor agarda que a incorporación de novos informes técnicos municipais á causa eliminarán os matices introducidos polo xulgado. "O que di o auto é que o informe urbanístico presentado é insuficiente", indicou o alcalde, quen tamén acusou a Elnosa de non facilitar toda a información requirida polo goberno local. "Independentemente do que diga o xuíz, a autorización ambiental está denegada pola Consellería de Medio Ambiente e nós imos seguir pelexando para que a fábrica se traslade da súa actual situación", asegurou.


4.75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: