Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Aínda se descoñecen os cargos dos concelleiros

Asínase o acordo de goberno en Pontevedra

PSOE e BNG subscribiron este sábado o pacto de Goberno, en que os nacionalistas contan con sete edís e os socialistas con seis, mais o reparto de concellarías segue sen esclarecerse.

Redacción - 19:00 28/07/2007

O nacionalista Miguel Anxo Fernández Lores, alcalde de Pontevedra, sinalou que aínda non está decidido: "iso será obxecto dun decreto da Alcaldía nos próximos días". Só comunicou o reparto de áreas de goberno por parte de cada grupo: seguen a ser competencia do Bloque Economía e Facenda, Protección Cidadá, Cultura e Festas e Consumo, e engádenselle Parques e Xardíns, Mobilidade e Transporte, Deportes, Universidade e Xuventude.

O PSOE, pola súa banda, mantén Benestar Social, Promoción Económica, Turismo e Educación, e asume, ademais, aresponsabilidade sobre Réxime Interior, Persoal, Vivenda e Medio Ambiente.

Para Urbanismo tomouse unha decisión salomónica: para o PSOE xestión urbanística (plan, execución xurídica e concesión de licenzas, ademais de supervisión de obras públicas tanto no rural coma na zona monumental), e para o BNG a ordenación do territorio, os grandes proxectos de infraestruturas e a tramitación do novo Plan Xeral de Ordenación Municipal (PXOM), ademais das obras de reforma urbana que se realicen na zona urbana da cidade, agás a zona monumental.


5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: