Vieiros

"Xa está ben de que pretendan responsabilizar a outros das actuacións exclusivas de Manuel Fraga e Xesús Pérez Varela", queixouse Bieito Lobeira este luns.

Lobeira destacou o traballo desde a Consellaría de Cultura durante os últimos dous anos para corrixir os "danos" da herdanza do proxecto da Cidade da Cultura. "Estase conseguindo que unhas obras xa contratadas e licitadas poidan servir para algo", afirmou, destacando que iso se fixese a través da "interlocución cos sectores culturais e estes se involucrasen no proxecto". O deputado nacionalista salientou as explicacións que no que vai de lexislatura recibiu o Parlamento ao respecto da Cidade da Cultura e a "transparencia" en todo o proceso.