Vieiros

Vieiros de meu Perfil


Edición xeral

RSS de Edición xeral
A prensa internacional protesta

Putin reclúe nun psiquiátrico unha xornalista tras escribir un artigo crítico contra o centro

A prensa internacional protéstalle a Putin pola reclusión nun psiquiátrico dunha activista opositora rusa, que está pechada á forza dende hai un mes.

Redacción - 17:45 09/08/2007
A xornalista era crítica co goberno de Putin

A xornalista era crítica co goberno de Putin

Larisa Arap, xornalista rusa contraria ao réxime do presidente dese país, Vladimir Putin, está internada á forza no psiquiátrico de Múrmansk, a 1.500 quilómetros ao norte de Moscova. Pouco antes de entrar no centro, tiña denunciado nun artigo o trato vexatorio que se lles daba aos enfermos do mesmo centro psiquiátrico.

Agora a prensa internacional, encabezada pola Asociación Mundial de Xornais (WAN) e o Foro Mundial de Editores (WEF), protéstanlle a Putin pola detención da súa colega. Na carta que lle enviaron ao presidente ruso as dúas asociacións din que a detención pola forza da xornalista "lembra os abusos dos dereitos humanos na era soviética", xa que neste época, segundo din, empregábanse os hospitais psiquiátricos para illar e castigar os presos políticos, e para desacreditar as súas ideas, contrarias ao réxime.

As dúas asociacións tamén piden que entre no asunto o mediador dos dereitos humanos Vladimir Lukin, e a conselleira presidencial para os dereitos humanos, Ella Panfilova.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: