Vieiros

Vieiros de meu Perfil


Edición xeral

RSS de Edición xeral
Volverán á zona máis adiante

A ARMH remata o traballo no Acebo sen atopar o corpo do Comandante Moreno

A Asociación para a Recuperación da Memoria Histórica adía os traballos na Fonsagrada despois de recuperar até once corpos en dous foxos.

Redacción - 09:30 17/08/2007
Tags: ARMH memoria

O colectivo aparca polo momento os traballos neste área, despois de atopar os cadáveres de até 11 republicanos asasinados, 8 no primeiro foxo e 3 no segundo enterramento investigado. Con todo, explican que non hai referencias firmes sobre paradoiro exacto do Comandante Moreno. O próximo mes de setembro ou mesmo a finais deste mes de agosto, os arqueólogos poderían volver á zona para seguir o labor.

Despois dos restos encontrados a pasada fin de semana, os investigadores agardaban que o último foxo puidese conter os corpos doutros catro membros do Batallón Galicia e do Comandante Moreno, xa que se sabe que foran enterrados en días posteriores ao 29 de outubro de 1937, o día no que se produciran os asasinatos doutros oito compoñentes do Batallón.

A Asociación solicita que se poñan en contacto co colectivo os familiares de Emilio Novas Naya (nado en Vilaboa), Enrique García Lago (de Mugardos), Xosé Fernández Patiño (orixinario de Noia), Xosé Barros Germade (procedente de Betanzos), Luís Rafael Villar Sánchez (vigués), Albino Domínguez Márquez (de A Cañiza), Enrique Viadero Haya (de Armeiro, Cantabria) e Manuel Rivas Rey e Xosé Beado Gil (de Forcarei).


4.83/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: