Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Sadautor 2007

Inédita xuntanza de cantautores para un festival na praia de Sada

Paris Joel reúne nove artistas nun concerto que servirá, asemade, de reunión entre un grupo de amigos.

Redacción - 12:30 22/08/2007
O cantautor sadense Paris Joel

O cantautor sadense Paris Joel

O venres 31 xuntaranse en Sada nove cantautores para participaren no Sadautor 2007, un encontro que terá unha parte musical e outra propiamente festiva. A idea partiu do músico sadense Paris Joel, como un xeito de argallar unha reunión entre profesionais que, normalmente, andan espallados. “Trátase de facer unha festa entre todos”, explicou o cantautor.

Así, a partir das nove da noite actuarán na praia de Sada Carlos Bau, César de Centi, Paris Joel, Jeaninne Belgrave, David Taboada, Pablo Rubén Fernández, José Luis Paz, Danieme e Ángel Sandoval. É o primeiro encontro deste tipo que se organiza en Galiza e, de feito, case todos os participantes son do país, agás a francesa Jeaninne Belgrave.

Segundo explicou Paris Joel, todos teñen en común ligazóns de amizade e, ademais de tocaren, terán despois un encontro en que falarán entre eles e farán balance de todo o ano. Pero, sobre todo, será unha festa á que está convidado todo o mundo.


3,8/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: