Vieiros

"Eu creo que o máis importante en Galiza é que os nenos estuden inglés dende os tres anos, que se familiaricen coa sociedade da información e as novas tecnoloxías dende a idade máis temperá, que saiban moitas ciencias, moitas matemáticas e que teñan un modelo educativo esixente, porque se non, estarémoslles a enganar", declarou o líder do Partido Popular nunha entrevista para a axencia Europa Press.

Mariano Rajoy considerou así intranscendente a posibilidade de que rapaces aprendan o himno nas escolas, idea que na súa opinión "non lle importa a ninguén". Así, Rajoy destacou o inglés e as novas tecnoloxías como prioridades que lles "permitirán aos nenos triunfar na vida e que o seu país mellore". Paradoxalmente, esta mesma semana, desde a dirección do PPdeG, o vicesecretario xeral da formación, Diego Calvo, aínda comentando que o executivo debera fixarse noutras prioridades, recoñecía ao igual que o vicepresidente da Xunta, Anxo Quintana, que o PPdeG considera que o himno "debe ser coñecido por todos".

• Anteriores en Vieiros: "Non nos entenden, non" + de 50 comentarios
• "Mentres haxa himno, haberá país"
• No blogomillo fanse eco do asunto: Brétemas, Xosé Manuel Lage, Papar e Vivir e Cavilando na fin do mundo