Vieiros

A Concellaría de Normalización Lingüistica de Ourense está a dar os primeiros pasos para unha galeguización efectiva da administración local. O departamento, que dirixe Isabel Pérz (BNG), quere que a partir do vindeiro mes de setembro os departamentos municipais empreguen prioritariamente a lingua do país.

Dende esta concellaría detectan que hai un incumprimento da lexislación e por iso coidan que é preciso un “esforzo” dos funcionarios. Aínda que as primeiras medidas van orientadas á redacción de documentos, o departamento de Normalización Lingüística quere que o galego sexa tamén axiña a lingua habitual na relación oral entre o funcionariado e os cidadáns.