Vieiros

Vieiros de meu Perfil


Fwwwrando

RSS de Fwwwrando
INICIATIVA PIONEIRA EN GALIZA

No Barco compartirán coche a través da web municipal

Tamén haberá autobuses gratuítos e rutas en bicicleta con motivo da Semana Europea da Mobilidade

Redacción - 11:15 03/09/2007

O Concello do Barco de Valdeorras vai lanzar un programa para que os veciños compartan vehículo. A través da web municipal, as persoas interesadas poderán poñerse en contacto con aqueles que queiran aforrar custes e, asemade, preservar o medio.

A iniciativa da Concellería de Medio Ambiente, baixo o título 'O Barco sen o meu coche', funcionará a partir do 22 de setembro, cando comeza a Semana Europea da Mobilidade, segundo informa o xornal ourensán La Región.

Algo común en Alemaña
Compartir automóbil é algo inhabitual na Península, mais en outros países europeos, especialmente en Alemaña, existen numerosos negocios que poñen en contacto a cidadáns que van facer a mesma ruta para que viaxen xuntos e así reduzan os gastos do combustíbel.

Ademais do programa de autos compartidos, o municipio do Barco organizará percorridos en bici e servizos gratuítos de autocarros entre as parroquías do concello.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: