Vieiros

O goberno catalán insiste en que o partido entre a selección de Cataluña e os EUA se vai disputar “con ou sen a autorización” da Real Federación Española de Fútbol (RFEF). A secretaria do Deporte, Anna Pruna, dixo nunha entrevista na emisora RAC1, que é un “acto de soberanía” e que a Federación Catalá (FCF) ten personalidade e competencias propias. Ademais, a selección norteamericana xa confirmou as súa presenza en Barcelona o 14 de outubro.

En declaracións a VilaWeb, o presidente da FCF, Jordi Roche, dixo que viaxará este xoves aos Estados Unidos para manter unha reunión coa Federación Estadounidense de Fútbol a fin de semana en Chicago. O mesmo medio púxose en contacto coa federación norteamericana, dende onde lle manifestaron que non entendían os motivos da prohibición do partido.

Ademais, a Plataforma Pro Seleccions Esportives Catalanes puxo en marcha unha campaña de envío de correos electrónicos ao presidente da RFEF, Ángel María Villar, para protestar contra a non autorización do partido. O mesmo fixeron o Barça e o Espanyol.