Vieiros

Vieiros de meu Perfil


Edición xeral

RSS de Edición xeral
Consello da Xunta

Nace o Bantegal, a nova sociedade para pór en valor as terras do país

O Goberno aproba os estatutos da sociedade pública que xestionará as propiedades incluídas no Banco de Terras.

Redacción - 18:15 06/09/2007
A nova sociedade recibe o nome de Bantegal

A nova sociedade recibe o nome de Bantegal

O Consello de Goberno deste xoves aprobou os estatutos da sociedade pública xestora do Banco de Terras de Galiza, promovida pola Consellaría do Medio Rural.

Bantegal, tal e como se denomina, é un instrumento orientado á dinamización e posta en valor das terras e das explotacións agrogandeiras do país que forman parte deste Banco de Terras.

Neste figurará un inventario con todos os predios rústicos, bens e dereitos, con independencia da súa titularidade (da Xunta, de particulares, cedentes ou do Bantegal), que serán usados para a ampliación das explotacións en funcionamento, a mellora de proxectos agrarios prioritarios, a primeira instalación de agricultores novos ou a cesión de terreos para cooperativas agrarias.

Ademais, o Bantegal encargarase de manter unha relación actualizada dos bens, coa procedencia, titularidade e o destino de todos as propiedades que integren o Banco de Terras.


4,25/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: