Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Ribadavia encheuse de goles

O Pilotes Posada gañou a I Copa Galicia de balonmán

Marta Souto, presente en toda a competición, destacou o éxito desta I Copa Galicia de Balonmán, tanto a nivel de organización, como deportivo e de público.

Redacción - 14:17 11/09/2007
Marta Souto felicita os xogadores do Pilotes Posada

Marta Souto felicita os xogadores do Pilotes Posada

Os vigueses, nunha apaixonante final, proclamáronse vencedores da I Copa Galicia de balonmán, tras superar aos pontevedreses do Teucro na prórroga por un só gol, ficando ao final 33 a 34.

O mellor do balonmán galego
O partido, xogado en Ribadavia o pasado sábado, xuntou o mellor balonmán galego, enfrontando a dous equipos da liga Asobal, o Pilotes Posada Academia Octavio e o Teucro.

O conxunto pontevedrés estivo por diante durante todo o partido, pero o Academia Octavio conseguiu remontar unha diferenza de oito goles no segundo tempo para chegar ao empate a falta de cinco segundos para o remate do partido. Na prórroga, o Octavio, con máis forzas tras a remontada, foi por diante dende o principio e non se deixou superar por un Teucro que o intentou todo ata o final.

A primeira Copa Galicia, todo un éxito

A nivel de organización, a directora xeral para o Deporte, Marta Souto, destacou o bo facer e o traballo intensivo da Federación Galega de Balonmán, á que animou a seguir adiante nese esforzo.

Mais tamén destacou o espectáculo deportivo co que se puido gozar nesta Copa Galicia. A proba máis destacada foi a final, na que os dous equipos galegos que esta tempada van a xogar na Asobal loitaron polo triunfo a treu, chegando mesmo á prórroga para decidir o campión. Esta final amosou, segundo Souto, o gran momento que está a vivir o balonmán galego.

Levando o balonmán por todo o país
A I Copa Galicia celebrouse en diferentes vilas e cidades galegas, xa que se procuraba levarlles a todos os galegos o mellor balonmán do seu país. Tamén se quería chegar, de xeito especial, a lugares onde non teñan a posibilidade de ver todas as semanas aos mellores equipos galegos.

Deste xeito, a afluencia de público foi moi positiva e iso a pesares de se celebrars durante o verán. Ademais, a fase final xogouse en Carballo -as semifinais-, e Ribadavia -a final e maila final de consolación-, e en nos dous partidos tiveron moito público, alén dos afeccionados.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: