Vieiros

Vieiros de meu Perfil


Fwwwrando

RSS de Fwwwrando
INICIATIVA LANZADA NA PRECAMPAÑA

Vilasantar, concello pioneiro en votar a prol do software libre

Un pequeno municipio da comarca de Betanzos é o primeiro en aprobar en pleno o Manifesto promovido por AGNIX.

Redacción - 09:14 17/09/2007
Logo de AGNIX

Logo de AGNIX

Vilasantar, un concello de 1.500 habitantes no sur da Comarca de Betanzos, é o primeiro municipio do país que se pronuncia de xeito formal a prol do software libre. E é que a xunta de goberno local deulle o seu apoio ao Manifesto a favor do Software Libre e formatos abertos ás administracións locais de Galiza este verán nun pleno.

Este manifesto é unha iniciativa de AGNIX para promocionar os programas abertos entre as administracións públicas. Con motivo das últimas eleccións locais, AGNIX remitiuno aos 315 municipios galegos e agora Vilasantar, gobernado pola alcadesa do BNG Manuela García, é o primeiro en darlle luz verde.

Flexibilidade e aforro

O aforro de custes en licencias e a capacidade de modificar os programas segundo as necesidades de cada concello son dúas das vantaxes que aporta o software libre ás oficinas públicas. Así o recoñece o PEGSI, o documento que guía a política de novas tecnoloxías da Xunta, e que é unha das bases do Manifesto de AGNIX.


Documentos

4.6/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: