Vieiros

Vieiros de meu Perfil


Edición xeral

RSS de Edición xeral
NA SEMANA EUROPEA DA MOBILIDADE

Os ecoloxistas piden que se aposte en serio polo uso da bicicleta nas cidades

Lembran que en países como Holanda, Dinamarca ou Alemania demostran a validez deste transporte.

Redacción - 13:01 18/09/2007

Na Semana Europea da Mobilidade, as organizacións ecoloxistas receitan máis bicicleta para combater a contaminación e os problemas de tráfico nas cidades do país. Asociacións como Adega e Verdegaia alertan de que a masificación de vehículos a motor que sofren as urbes obriga ás institucións a tomar medidas decididas.

Así, por exemplo, Adega publica un artigo na súa web no que lembra as vantaxes deste medio de transporte. No mesmo insístese na rapidez das bicicletas e rebaten a aqueles que din que non é aconsellábel para climas como o noso: “Hoxe en día hai prendas para a auga e frío de suficiente calidade para permitir unha conducción cómoda sa bicicleta nestas condicións. Países como Holanda, Dinamarca ou Alemaña teñen condicións metereolóxicas extremas e acadan cifras de viaxes en bicicleta que centuplican as do noso país”.

O colectivo Verdegaia tamén aproveita a Semana Europea da Mobilidade para anunciar na súa web a I Masa Crítica Galega, unha peculiar manifestación ciclo-lúdica que se celebrará o vindeiro sábado en Compostela. Os participantes queren demostrar así a validez do transporte máis ecolóxico e barato.


4.17/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: