Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Marta Souto, directora xeral de Deporte

"Temos o dereito a identificarnos coas nosas seleccións"

Despois de que PP e PSOE se aliasen no congreso contra a reforma da Lei do Deporte, a directora xeral pon en valor o traballo feito.

Redacción - 18:47 19/09/2007
Os deputados vascos, cataláns e galegos sosteñen as camisolas das súas respectivas seleccións,á porta do Congreso / Imaxe: CiU

Os deputados vascos, cataláns e galegos sosteñen as camisolas das súas respectivas seleccións,á porta do Congreso / Imaxe: CiU

Pasada xa a polémica xornada no Congreso, no que os deputados de PP e PSOE xuntaron os seus votos contra a reforma da Lei do Deporte que propoñían ERC e CiU, que terminou coa exhibición das camisolas das seleccións nacionais catalás, galegas e vascas, a directora xeral para o Deporte, Marta Souto, reitera a defensa das seleccións nacionais galegas, "unha empresa na que cremos e na que seguiremos a traballar".

Souto dixo tamén que os galegos, os vascos e os cataláns "temos non só o dereito a emocionarnos, senón tamén a identificarnos coas nosas respectivas seleccións", e que "a fotografía na que aparecen as camisolas das diferentes seleccións recoñece a pluralidade do Estado español".

Segundo a titular de Deporte, en Galiza estase a traballar "xunto coas federacións, para poñer en valor os nosos deportistas e o noso deporte a través das seleccións galegas", algo que entra na axenda do día a día da Dirección Xeral.


4,92/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: