Vieiros

Vieiros de meu Perfil


Edición xeral

RSS de Edición xeral
LEI DA FUNCIÓN PÚBLICA

O PPdeG adiántalle á CIG que non se vai mover para derrogar o plus de altos cargos

O sindicato nacionalista convoca para este mércores o primeiro acto de protesta diante da sede central da Xunta.

Redacción - 14:31 25/09/2007

O grupo parlamentario popular non pensa mover ficha para que se modifique o controvertido plus de altos cargos. O seu voceiro, Manuel Ruiz Rivas, transmitiulle a postura dos conservadores a Anxo Louzao, representante da CIG.

O sindicato nacionalista prosegue as súas reunións cos partidos galegos para que se anule o aumento de sobresoldos a ex altos cargos que sexan funcionarios, logo de xa facelo a semana pasada co BNG, que se comprometeu a apoiar a iniciativa.

Ruiz Rivas explicou que o PPdeG “estudará” os cambios se algún grupo os propón. Porén, sinala que non van dar o primeiro paso para manter a coherencia cunha decisión “na que teñen responsabilidade os tres grupos”

Primeira protesta diante de San Caetano

Mentres, a CIG non ten pensado recuar na súa loita. De feito, a central segue adiante coa convocatoria dunha concentración de protesta diante da sede central da Xunta, en San Caetano (Compostela). O acto terá lugar este mércores ás 11.30 horas e os convocantes convidan aos cidadáns a participar. O sindicato insiste que o plus aprobado vai crear “unha casta provilexiada composta polos funcionarios que ocuparon nalgún momento postos de designación política”


4.67/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: