Vieiros

Vieiros de meu Perfil


Barcelona

Edición xestionada por Xabier Paradelo
RSS de Barcelona
FEIRA DE BARCELONA, DO 3 AO 5 DE OUTUBRO

Premios do Liber polo fomento da lectura para o "Diario Cultural" e o "Faro de Vigo"

Os editores van debater sobre os retos da era virtual: o e-learning, o coñecemento a través do Google e Second Life.

Redacción - 16:30 25/09/2007

O Liber, a feira profesional do mundo da edición, concede os seus premios de honra a dúas iniciativas galegas de fomento da lectura, ao programa "Diario Cultural" da Radio Galega e mais ao xornal "Faro de Vigo", así como a un comunicador da televisión andaluza, Jesús Rodríguez Vigorra, presentador do programa “El público lee” e á Biblioteca Pública de Coaña, en Asturias.

Como en edicións anteriores, o libro galego ten presenza con stands profesionais das editoriais infantís Kalandraka e OQO, e de Nova Galicia, especializada en libros de arte. Tamén como noutras edicións a Consellería de Cultura da Xunta de Galicia monta un stand institucional como apoio ás empresas editoriais galegas.

O programa de actividades desta edición do Liber, que ten como país convidado Perú, centrarase nos cambios que implica o entorno virtual para o mundo do libro, como o e-learning, a intervención de Google no acopio de coñecementos e as posibilidades que abre Second Life para o mundo da edición.

Liber 2007

Do mércores 3 ao venres 5 de outubro de 2007
Fira de Barcelona
Avda. Reina M. Cristina s/n – 08004 Barcelona


Ligazóns

4,33/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: