Vieiros

Vieiros de meu Perfil


Edición xeral

RSS de Edición xeral
Conflito no 'Corno de África'

Etiopía advírtelle a Eritrea que considera rachar co tratado de paz

O Acordo de Alxer, do 12 de decembro de 2000, púxolle fin a unha guerra de máis de dous anos entre ambos os países.

Redacción - 12:29 26/09/2007

O goberno de Etiopía afirma, segundo informa a canle británica BBC, que lle comunicou oficialmente a Eritrea que está a considerar rachar cos compromisos acordados por ambos países e materializados no Tratado de Alxer, do 12 de decembro de 2000.

Etiopía acusara en recentes datas ao país veciño de acoller grupos terroristas e de violar os acordos asinados, ao ocupar a zona desmilitarizada, así como de restrinxir a mobilidade dos pacificadores de Nacións Unidas (ONU) na zona.

O Ministerio de Asuntos Exteriores etíope, nun comunicado do que tamén enviou copia ao Consello de Seguridade da ONU, afirma que estes son motivos de abondo para suspender ou rachar o tratado de paz. No entanto, fontes do departamento sinalan que se trata dunha advertencia.

Eritrea independizouse de Etiopía en 1993, mais as disputas fronteirizas levaron aos dous países a unha guerra entre 1998 e 2000, que provocou máis de 100 mil mortos.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: