Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Feira de Barcelona

OQO recibirá un premio ao mellor libro infantil editado

Representantes da editora recollerán o mércores o galardón por O gran libro dos retratos de animais.

Redacción - 19:30 01/10/2007
Portada do libro premiado

Portada do libro premiado

O selo pontevedrés OQO Editora recibirá este mércores o primeiro premio ao libro mellor editado de literatura infantil. O galardón, concedido polo Ministerio de Cultura, entregarao o ministro César Antonio Molina na feira Liber de Barcelona.

A obra premiada é O gran libro dos retratos de animais, de Svjetlan Junaković , que inaugurou a colección Oqart. Está editada en galego, portugués e castelán, e, proximamente, tamén en inglés e en francés. A mesma editorial xa recibira o ano pasado o segundo premio ao mellor libro infantil por A princesa que bocexaba a todas horas, escrito por Carmen Gil e ilustrado por Elena Odriozola, e o terceiro premio ao libro mellor editado a Celestino Tarambainas, de Marisa Núñez.

O gran libro dos retratos de animais foi concibido polo ilustrador croata Svjetlan Junaković e OQO Editora como un percorrido pola historia no que diferentes animais, vestidos coas súas mellores prendas, posaron para os máis considerados retratistas. A obra xoga cunha base histórica afastada dos manuais de arte convencionais e coa verosimilitude dos retratos de animais inspirados en cadros de diferentes épocas.


5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Ra que aparece retratada no libro
Ra que aparece retratada no libro
Retrato dun pingüín incluído na obra
Retrato dun pingüín incluído na obra